أزرع حب
00000000
لف حوالين محيط الدنيا -------------مثل البدر
وتعالى فى قلب الدنيا --------------وأزرع قلب
قلب حنين يحمل كل --------------معانى الحب
خلى القلوب تزوره -------------- وتتملى حب
لحسن الكره قرب يسكن ---------------كل قلب
والحب أتحدد أما الكره ----------مالوش حصر
---
الزمن اتغير ودى حاجه تحير--- عليه العوض
شايف عمر الحب قصير------------وهينقرض
شايف حتى الطفل الصغير-----عن نبضه بعد
خايف يوم يكون الكره--------- سمة العصر
---
خايف ع الحب يكون زكرى-------- يوم نتمناه
ونستورده من بلاد برا ---------- وياريت نلقاه
ويقولولنا أتغيرت المجره -----------والحب تاه
يومها تنهزم الحسنه------------ وينتصر الذنب
ويتوه الشتا---ومطره يضيع-------- بسبب الحر
---
نلحق تزرع مادام بذوره---------- لسه موجوده
حاول تكتر لحسن الحبايب------------ محدوده
قبل ما يتأثربفساد---------------- وتاكله الدوده
طهر رش المبيدات--------------- المهم الجوده
مش عايزين حب مزور--------- ومالوش أصل
عايزين فارس يقتل الكره------- مكتوبله النصر
لأن الحب بقى للموعود----------- فى ليلة القدر
---
حاول تزرع وعارف طرحه-------- محتاج صبر
خلى ظلام الكره يرحل------------- ويظهر فجر
يزرع فى القلوب حب حقيقى----- جذوره الصدق
ولما تحب يكون--- أحساسها -------أساسه الطهر
لجل الحب فى أخلاصها يدوب-- مايعشقش الهجر
لجل الحب لما يدخل------ قلوب----- يدوم العمر
----------------------------------------------
ليست هناك تعليقات:
إرسال تعليق