في الشارع عادل الشهابي

فى الشـــارع
فى الشارع ناس كتير ماشين ...
فيهم السعيد وفيهم الحزين ....
وفيهم اللى جايا عليه الأيام والسنين ..
الكل جمب بعض والكل تايه ..
ناس ومدرياها الهدوم ...
من بره سعيده ومن جواها قاتلها الهموم ...
وناس على رجليها ماشه وناس تانيه مش قادره تقوم ..
وفيها ناس من مده مجافيها النوم ..
وناس تانيه ماشيه سعيده ...
والحزن عنهم مسافاته بعيده ...
كل واحد ماشى وفى راسه مواله ...
مش حاسس بغيره بس حاسس بحاله ..
فيه اللى همومه خفيفه ..
بس أمكنياته لسه ضعيفه ..
شارع والناس فيه زحمه ...
فيه اللى قلبه آسى واللى قلبه فيه رحمه ..
شارع وفيه قصص كتير ...
فيه اللى بيحس وفيه اللى مش بيغير ...
شارع وكلك أسرار ....
وكل واحد ماشى وفى راسه أفكار ...
فيه اللى عنده حل وفيه اللى أحتار ...
بقلــــــم : عـــــادل الشـــــهـــابى