حلم الشتا
قلم وورقة
سطور بتوصف ف لحظة لقى
ف حلم الشتا
وحدة
وظلمة
وقاعدة مترقفصة
صورة بنوتة حلوة
واقفة
وضفايرها متنعكشة
ف حلم الشتا
وشوش متقطعة
وليل بينشف خدودو من دمعو
الرضيع
بيصرخ
والام بتقطع حبال الضنا
ف حلم الشتا
زنزانة دفيانة
باة المساجين
بالافافة
ف حلم الشتا
رواية
وحكاية
ورواية وحكاية
كتب مرصوصة فوق الرفوف
مستنية
من زمااااااااااااااااااااااااان
مين ياترى ؟
هييجى علية الدور
ف المحرقة
ف برد الشتا
الكلمة متغمسة بالسخرية
وايد ماسكة الريشة
مرعوشة
متكلبشة
ف حلم الشتا
الدنيا ماشية على طراتيف صوابعها
متلخبطة
والصبح بيحاول يفتح
والعيون مليانة بالعماس
لساها
متقفلة
الفجر .........
بيخطف خيوط الشمس
من بطن السما
والوردة دبلانة
مقسومة
نصين
متفسخين حتتتين
متشققة
وريحتها ممسوحة
حروفها
من بين اسمها
ف حلم الشتا
ليست هناك تعليقات:
إرسال تعليق