*****نغمات ودندنه
كلمات وتنهيده واصابع مطرقه
اخبارسعيده وهمزه وكمان اربعه
اغنيه وناس عفيه وست متقصه
وعيال كتير وشيوخ ونداء وفرقعه
نغمات ودندنه
البقال معلى القرآن وسيطه درويش
واللى قصاده مشغل اغانى حرفيش
ومكوجى يبخ بخة بخار عاوز يعيش
ومعدى بتاع الترمس بصوته متقليش
نغمات ودندنه
جوايا انا اهات ومواويل وحكايات
متقسمه مابين الساعه عشر ساعات
مابين خبط وضحك وكلام لتات
وعويل وصراخ واطفال ومتهات
نغمات ودندنه
وعلى الساحه ظهر الجديد حداد
الاسم توكتك دلوعه من غير عداد
صايل وجايل وفى الحوارى عيد
والكل متساهل وفرحان وسعيد
نغمات ودندنه
وفى وسط ده كله كنت بقرأ للخال
وحاسس انى موجوع بكام موال
ياابوخالو فارقت وارتحت البال
وسيبنى معاهم مهموم قليل الحال
نغمات وندنه
راح الشتا وهلِّت روايح الصيف
والسجن دلوقتى يرد الروح والكيف
وحاسس منك انى غريب او ضيف
نغمات ودندنه
****حمدى البسيونى
ليست هناك تعليقات:
إرسال تعليق