( ألف رحمة ونور عليه )
كان ياماكان
كان فيه حد زمان
يقولوله يابيه
طب اسمه ايه ؟
طب اسمع مني هقولكوا ايه
اسمه جنيه
كان زمان مرفوع الراس
دلوقتي بيساوي ايه ..
كان من فترة في الانعاش
دلوقتي
ألف رحمة ونور عليه
****
الوضع في بلدي خطير
وضايع في النص الفقير
محدود الدخل ياناس راح يلطم
ويصوت ويقول أحييييييييييييه
وانهارت قيمة الجنيه
ألف رحمه ونور عليه
****
المتحدث باسم البنك شوفوا ياناس
هيقول ايه
ادني مستوي سعر بيحصل
والجنية وقع في أزمة
هنقول اسم الله عليه
الف رحمة ونور عليه
....
حد يقوللي ويفهمني
الجنيه بيجيب ايه
-راحت قيمته في سابع أرض
تديه للطفل ما يرضي بيه
الله يرحمك يا جنيه
كان زمان ليه الهيبة
ودلوقتي شالوا وحطوا عليه
وهنعمل ايه يا اسيادنا
الحل قولولنا عليه
ربك يفرجها ع الغلابة
ولاحد عارف هيحصل أيه
الامر امر الله يا اخوانا
كلنا. راح نبكي عليه
بقلمي
مهندس /أحمد عبد الله والي
ليست هناك تعليقات:
إرسال تعليق