تخاريف صياد فى الخريف بقلم // عبدالعظيم الأحول / القاهرة

‏‏صياد اللآلئ‏ ‏‏يشعر بـ‏غيبوبة‏ مع ‏نزار القباني‏ و‏‏29‏ آخرين‏‏.

‏29 يناير‏، الساعة ‏04:38 مساءً‏

هههههههه ما حصلش !!!
تخاريف صياد فى الخريف
عبدالعظيم الأحول / القاهرة
بعدظهرالجمعة ٢٩ / ١ / ٢٠١٥م

...

أنا فرحان وقلبى حزين !!!
وتيجى ازاى ؟
أنا معرفش
وليه الفرح متغمس بطعم الحزن ؟
وليه الدنيا شاويانى فى نار الفرن ؟
وليه الدمعة ما بترحمش ؟
أنا معرفش
دعيت ربى يفرحها ، ويشفيها
وكانت دعوتى صادقة وقلبى سليم
وكان ربى عليا كريم
وعافاها بعمر جديد
وكان يوم عيد
بكيت م الفرحة والله
وقلت ياربى يا إلهى
بحبك موووووووووووت
وبشكر عطفك السامى
يارب الملك والملكوت
وأول مرة كنت ابكى بطعم الفرح
ومعرفشى بإن الجاى صديقى الجرح
وماتت فرحتى فيا
بخنجر كلمة مسمومة بسرب آهات
قالت لى لأ
دا إحنا اخوات
ما تتسرعش ! ! !
أنا من بدرى قايلالك
وإنت الجانى على حالك
وقلت لها ياشيخة حرام
دا إنتى جيتى بعديها وقلتى كلام
سحرنى بأجمل الأحلام
قالت لى لأ بقى ما حصلش ! ! !
صحيح ما حصلش ؟
هههههههههههههههههههههههههههههههه
خلاص ما حصلش
عموما كنت بدعيلك
واقول يارب فرحها
وحتى لو ماهيش ليا
ولما الفرحة تسكنها
كإن الفرحة دى فيا
لأنك روحى وحبيبتى
وألمك هوا دا مصيبتى
وماتخافيش ياروح قلبى
أنا جامد ما بتدمرش
واعيش يملانى نور حبك
وما اتأثرش
كفاية إنتى تتهنى
ولو حتى بعيد عنى
وسيبك منى وارتاحى
أنا راجل خلاص خرفت
وساكنة فيا قلة بخت
يزينك ربى بالفرحة ياروح قلبى
ومهما دقت من غلبى
أنا ف حبك ما بتغيرش

* * * * *

ما تخافيش عليا ياحبيبتى طول منتى فرحانة أنا بخير وفرحان
ربنا يسعدك ويفرح قلبك دايما يارب