مخنـــــــوق== للشاعر : عــــــادل الشـــــــهــــابى

مخنـــــــوق
مخنوق يا ناس والخنقه ملكانى ....
وحاسس بروحى خلاص يا ناس مفرقانى ..
وأنى هفارق الحياه والكل هينسانى ...
خلاص صدرى ضاق وأحزانى مألمانى .....
أنا اللى مش فاهم الناس ولا الناس اللى مش فهمانى ؟....
أنا بسعد قلوبهم وهما يفرحوا ليه بأحزانى ؟....
مالك يا دنيا ليه بس معندانى ؟....
كل ما تقدم خطوه ترجعينى خطوات ليه تانى ؟...
وكل ما أديكِ ضهرى تقولى أنى أنانى ...
آه يا صدر ليك قلب واحد ملوش تانى ....
وكل الذكريات اللى فى قلبى يا ناس وجعانى ..
مخنوق والنفس راح ونسانى ...
أقوله تعالى يقولى لا أنسانى ...
يا ناس هو الحب حقيقه ولا مجرد أمانى ؟...
ولا هو كلام بنسمعه بس فى الأغانى ؟....
والأنسان معاه بيكون سعيد ولا بيعانى ؟...
عاوز أصرخ وأقول الآه بس عزه نفسى منعانى ...
ضيق يا صدر تانى وتانى وتانى ....
ضيق يا صدر وقول للقلب ما يزعلش علشانى ..
ولو سأل عليا يا قلب قوله أنا لسه فى مكانى ..
وأن مسألش قوله خلاص ينسى عنوانى ..
مخنوق يا ناس والخنقه ملكانى ..
وحاسس ان روحى خلاص مفرقانى ...
بقلــــــم: عــــــادل الشـــــــهــــابى