...... نبض الحياة ......
مهما كان الموج غريق
وانقطع منى الطريق
مهما حاول يوم يضيق
ماليش غيرك حبيبتى رفيق
يا أم قلب كتير رقيق
انا عاشق وفى بحرك غريق
وفى وصفك طب ايه يليق
¤•¤•¤•¤
بسمتك سعادة وشجون
وف بعادك ايه أكون
شوقي ليكي شوق مجنون
يام بسمة مالية الكون
بهدي ليكي قلب حنون
عمره ما اتعلم يخون
ياللي عينيك أجمل عيون
باشتاق ليها فين ما أكون
¤•¤•¤•¤
ياللى نبضي هو نبضك
فرح قلبى هو فرحك
حزني هو نفس حزنك
حرف اسمى هو رسمك
حبي ليكي جوه اسمك
دانت مني وانا منك
مستحيل استغنى عنك
كنت شايل هم بعدك
لما هاسمع نبض قلبك
هاتلاقيني ف لحظة جنبك
¤•¤•¤•¤
يا حبيبتي انتي حياه
قربي منك طوق نجاه
حبي ليكي رغم الآه
عمرى فيوم يوم انساه
عرفت ايه قيمة الحياه
حبنا ما احلاه
دانت وانا نبض الحياه
¤○¤○¤○¤
جمال عبدالحميد
ليست هناك تعليقات:
إرسال تعليق