جمرتك اهات - الشاعر السوري المهجري --- اليان سمعان ---

(((-==*==-))) جمرتك اهات (((-==*==-)))
""""""""""""""""""""""""""""""""""""""""""""
لما الفجر بيطل بتطلي معو
(((-=*=-))) بيضحك صباحي وبيفتحو الوردات

الندى عاجبين العشق نزل مدمعو
(((-=*=-))) خيوط الشمس بكير بتسطر حكايات

تحكي حكاية حب عم عيشا معو
(((-=*=-))) بخاف يزلق لسانو ويبوح بالهمسات

بخاف من شي حدا مارق يسمعو
(((-=*=-))) وتكتر الغيرة حسد وينقمو الجارات

نغمات من فيروز عطرا توزعو
(((-=*=-))) وفنجان قهوة الصبح بعيون جنيات

فيكي الفجر للروح عندك منبعو
(((-=*=-))) طيري معي لفوق لنعانق الغيمات

نكتب قصيد الحب انتي مطلعو
(((-=*=-))) وسخر نجوم الليل اكتبن كلمات

حروف الغزل فيكي بالعمر مابيشبعو
(((-=*=-))) راح اكتفي باربع خمس الكلمات

انتي الجرح بالقلب بايدك مبضعو
(((-=*=-))) ينام القلم محروق بجمرتك اهات
~~~~~~~~~~~~~~~~~~~~~~~~~~
الشاعر السوري المهجري --- اليان سمعان ---
مسا الغزل والحب
صباح السحر
اصدقائي