قسّم همومك.عزت عبد العزيز حجازي

قسم همومك!
***********
شايل همومك وحدك ليه.. ؟!
أمال وجودنا ده جنبك إيه .. ؟!
قسم همومك ..
جفف دموعك ..
قربنا خُدنا فرحه في عيونك ..
ليه تبكي وحدك دمع العين .. ؟!
عشرة سنينا ..
قصة حنينا ..
مدوبانا دُوب في اتنين .. !!
وما دُمت منا ..
روحك في روحنا ..
بلاش تشمت فينا اللايمين .. !!
قلبي اللي حبَك ..
قلبي اللي عشقَك ..
بيحس بيك من نظرة عين .. !!
ومهما تداري ..
مهما تخبي ..
بقراك يا روحي بشعور عاشقين ..
قسم همومك .. ؟!!!
****
غنائيه عامية من كلمات
عزت عبد العزيز حجازي
17/15/2015
(حقوق التأليف والنشر محفوظة)