بحر الكلام
لما بتهرب الكلمي من شفافي
تأكدي إنها بتعرف لوين تروح
تطبع خجل عخدك الغافي
تقلك بحبك بصوت مبحوح
نسمة معطرة من صدري الدافي
وتنهيدي دوا لآه مجروح
كوني إلي كلشي ومتلك مافي
كوني رفيقة درب وين مبروح
كوني الستر كوني الكسا ولحافي
والبعد عني مش مسموح
شيلك متل طفلي على كتافي
وصرلك شال عالكتف مشلوح
ويهرب بحر كلمات مالو مرافي
وبوسات متل المنارة عاخدك تلوح.
رأفت الحكيم
ليست هناك تعليقات:
إرسال تعليق