ليه كل واحد بقلم // معتمد البقرى

ليه كل واحد .. لمـّا يكتب ..

عن هواه .. يكتب حزين.

ليه كل كلمه .. من كلامو..

عن الحبيب لوعه وأنين.

ليه الحبايب..

ف القصايد كلّهم..

جارحين ياأمّا مجروحين.

طب لمـّا طعم الحب مـُر..

بتجروا ليه وراه سنين.

يا سيادنا طعم الحب احلى ..

م العسل .. يا معقـّدين.

دوقو حلاوته وأشربو..

من حلو شهد العاشقين.

وأن فاتكو حب بلاه وراح..

أصله لا عمر..

ولا أهو دين.

هتصادفو حب..ف يوم جميل..

وتعيشو دايما ً..

مبسوطين.

معتمد البقرى