قصة ورقة وقلم ..بقلم امل عبدالله
ان كنت انا الورق فانت القلم
من فين المظلوم ومين اللي انظلم
حفرت الوجع علي سطوري من غير ندم
نقشت حروفك حرف حرف بمنتهي الالم
وحبر محبرتك كانت دموعي مخلوطة دم
ابتديت تدوس وتحفر ونسيت اني ورق
رقيق مايتحمل حفر ولا للهم انخلق
حروفك اوجاع وانا اصبر وقول من القلق
عمرة ما ينسي اني منه وهو عشاني اتخلق
بس كنت غلطانه اوي ونسيت انك قلم
من الخشب اتصنع منين قلبك يحن
حاولت لحفرك اتحمل واقول مش هيقدر يكمل
وهتيجي كلمه وسط الكلام تحسسه اني كده بنظلم
وانه ملاني شخبطه لما بقيت متلخبطة
شكلي بقا من غير معالم متظبطة
حروف علي السطور متنسقة
وحروف كتير متبعترة مشخبطة
ولانك الوحيد اللي كتبت افتكرت
انك كدة سيطرت وسبتني لاول شويت هوا
نسيت اني ضعيفة اوي وممكن من حفرك انجرح
طرت منك مع الهوا وخلاص عمرنا ما هنكون سوا
لانك نسيت ف عز قوتك اني انا بنظلم
ونقشت حروفك بمنتهي الالم
بس خلاص انا بكتب نهايه قصتك
نزلت كلمه النهاية مع اخر جرح لحضرتك #امل
ليست هناك تعليقات:
إرسال تعليق