ماحدش بعيشته راضي
******************
علي أطراف ألشوارع......خلق ياما ضايع
اللي مادد أيديه بيستجدي رحمه
واللي يلمع في أحزيه وأيده سوده فحمه
واللي بيبيع جرائد
وجمبه كهل راقد
واللي بيفرز فضلات سهرات او موائد
واللي بتبيع لبان أو مناديل ورق
واللي عمله غرزه بعد ماعمره أنسرق
واللي بعربية فول
واللي مرمي مسطول
واللي بايعه الآصول وغاويه تنحرف
واللي واللي واللي زمنه داسه وجرف
نام قدام الجوامع
علي أطراف الشوارع.....خلق ياما ضايع
ناسيهم المسؤل وناسيهم الوطن
وناسيهم الزمن باعهم دون تمن
وتلاقي الرضا مرسوم ع الملامح
لا شاكيين قضا ولا وقت جارح
شاكرين الآله
وراضيين بالحياه
في وقت أصحاب ملايين
لاحامدين ولا شاكرين
ولا بعيشتهم رضيو وحسدو الغالبنين
اللي الكل ناسيهم ودايسهم وبايع
علي أطراف الشوارع
************************************************************
دينا رجب الفيومي
ليست هناك تعليقات:
إرسال تعليق