(( خلخال حبيبتي )) ،،، كلمات الشاعر / محمد عطيه محمد

رباعيات الأحزان
( للحزن في قلبي مكان )
خلخال حبيبتي دهب ... في المشيه ليه رنه

كله طلب ودها ... دي حوريه من الجنه
لفيت بلاد الهوي .. أتمني نتلاقي
ما لقيت لقلبي دوي .. غير بس رؤياها
ياشوق قلبي انكوي والسحر في عنيها
واخدني فين يا هوي وراميني في ايديها
يا رايحين عندها .. قلبي معاكم راح
يا نجم ليل السما .. ليل الفراق رواح
مشتاق اشوفها أنا طول عمري بهواها
وقلبي من حبها راح مني وياها
الورد منها غار .. يا أم الرموش سمرا
وعودك الدوار .. وخدودك الحمرا
جمالك اللي اتوصف في الوصف مش انصاف
لو حتي اوصف سنه ما يكفنيش اوصاف

فارس الليل الحزين
14 / 3 / 2 015