ماكو حيله
كلمن مرافگ خليله
وآنه وحدي وي صفنتي
ليله اعديهه اويه ليله
ماكو حيله
حسبت ترجع حبيبي
وهمّي من گلبي تزيله
ماكو حيله
بلا وداع أنته العفتني
وعالسهر ياگلبي ويله
فدوه لاتطول الغيبه
روحي جت عندك دخيله
دنيا مليانه تناقض
يشتكيلي الأشتكيله
ماكو حيله
السهر ذبّل رمش عيني
والدمع من عيني هل
لاتطّول غيبتك
جسمي من الفرگه سل
آنه أسهر هالليالي
المهم عندي أمل
يالعفتي وي صفنتي
وسافرت وبلا خجل
كافي مليت الملامه
شامتي عنكِ سأل
شرد اجاوب
گلت أحب الساني زل
ماكو حيله
ابو رؤى قاسم الدوسري
ليست هناك تعليقات:
إرسال تعليق