هيك بلشنا
هيك بلشنا باول مرحلي
بعيون عشقانة وبزأرة مرجلي
قلي بصوت بيهد الجبال
بحبك شو قلتي جاوبي واستعجلي
قلبي قبلك كتير عشقان
ولازم اسمع جوابك عليّي لا تدللي
قلت.. يلي واقع بالغرام
العشق نبض قلبين ومش كلام
قلبي مش شاغر ومع سلام
عامل حالك عليي من اولها بو علي
قال ..كلماتك حلوة متل عينيكي
وقلبي صار متل اسوارة بايديكي
شو بتعملي حتى تقبلي بالحب مجنون
عم يصرخ القلب ويقول وحدها إلي
قلت ..لازم من اولها حلو الكلام
مش هدّ وبرق ورعد بليلة وئام
انا بنت الجنوب يا ابن الكرام
وكل ابيات الشعر بتركع الي
قال.يسلم جنوب لبنان وبناتو
من بذور التحدي عطر زهراتو
وفقير بكون بالعشق لو ما سحر هالعيون
نسيت انو انا لعشقت بو علي
قلت..اتفقنا هيك ومن دون المرجلي
انا عشقانة قبل عشقك الي
هيك الحب بغمز ولمز وطيب الكلام
بيبتدي مشوارنا باول مرحلي
بقلمي..علا فياض سبيتي
.....زجلياتي....
ليست هناك تعليقات:
إرسال تعليق