الفكر الحر
لما عقول الناس تبقى مقيدة
بحبل الكذب و الوهم فكر موصدة
عيون البشر عميان ما بتعرف طريق
بعتم الاسا واللوم تبقى مشردة
عصر الحجر والقهر بالحاضر غريق
صرنا بعمر الدهر حقول موردة
كفر البشر و الضيم بموطنا حريق
نار القلب الفكر جمار بموقدة
ما عاد نعرف حب نتقاسم فريق
تاهت طفالى الارض ذكرى الموعدِ
مستور رغد العيش بالبير العميق
فينا الامر محتار حقوق مجردة
شو بتنفع الجدران المطلية عقيق
لبتكون سجن الروح حكم مؤبدة
شو بتنفع الجيران و الاخت و شقيق
ضمن الوطن بنعيش عيلة مفّردة
نحنا في عنا رب رحمان و خليق
بنرضى حيارى نعيش حقد و مفسدة؟
اتحدوا بإسم الارض والماضي العريق
نرجع لدار السلم بالامان نعيش
و نكون قدوة خير قوة موّحدة
رامز عيد
02/10/2016
وافر التقدير و فائق الاحترام لمجلة غذاء الروح والفكر وفرسان الشعر على نشر شعري المتواضع بين طيات صفحاتها و اخص بالشكر و الامتنان الاستاذة الانيقة شموخ الورد
ردحذف