خلي بالك
خلي بالك.
كلمة ياما كتير بقلبي أنا قلتهالك
خلي بالك
السنين عدت... ومتغيرش حالك
مش في بالك
إن دي قسوة ضمير
مش في بالك
إني بتعذب...بغير.
هي كلمة.
ومش حقولهالك كتير.........خلي بالك
اللي خان..احساسه هان
إنسان أناني
غدره بان...مالوش أمان
ولا لحظة تاني
اشتراني
واشتريته
باعني .باع حبي في ثواني
اشتريته...باعني باع حبي الكبير
قلت كلمة ..ومش حقولهالك كتير
خلي بالك..خلي بالك.
اشتري الإحساس
ده لو عايز تعيش
عيش بقلب الناس
بذكري متتنسيش
اللي بيحب بحقيقي
ما بيداريش
ياريت
ياريت نبعد بافكارنا
عن النسيان
ياريت الناس تقدرنا
بلاش حرمان
أنا فاكر .....ومش ناسي
ناسيني .بس احساسي
جميل قلبك علي رأسي
ومش ندمان
ولو حمشي ورا الذكري
ورا الأحزان
من الأحسن نعيش بكره
بكل أمان
حلاقي الدنيا لون تاني
حودع...... دمع أحزاني
وأقول.. للحزن ينساني
وأبات فرحان
أنا عايش....... علي آمالي
وقلت ياريت
مكنش في يوم علي بالي
أقول حبيت
لقيتني بقولها في عنيها
أعيش أحلم....... أناديها
وخوفي كأنه..... ناسيها
مالهوش أمان.
طارق عطية...شعر غنائي
افتكرها الكلمة..
في لحظة ماتلقانيش ....خلي بالك
طارق عطية....شعر غنائي
ليست هناك تعليقات:
إرسال تعليق