العشق نار
شعر غنائي عامي
4/3/2017
***********
إمتى يكون العشق دا نار
وليل ونهار الدنيا مرار
لو حبيبك ناسي حبك
لو بيتمتع بغلبك
تبقى كل الدنيا نار
هو دا كل المرار
**********
على إيه الحيرة
يا قلبي يا عاشق
كل ما بتقربله يفارق
سيبوا مرة يقربلك
روح وغيب يمكن يشتاقلك
سيبوا يمشي ويندهلك
ياما روحناله كام مشوار
ودايما كان يخلق أعذار
هو دا كل المرار
*********
وفر كلامك دا يا حبيب
وإعتبر نفسك غريب
لم شوفك جوة قلبك
وإحبس الأحلام ف صدرك
وإشغل الأشواق ف وقتك
لما يجمعكوا النصيب
ويبتدي تاني الحوار
هو دا كل المرار
*********
عيش ف يومك
وإنسى لومك
دوب الأحزان ف نومك
وإما تصحى حب تاني
وإنسى حبك الأولاني
إوعى تشكي
ولا حتى تبكي
على إيه تتعذب وتحتار
وإنت عارف الحيرة مرار
هو دا كل المرار
**********
الشاعر رمضان فؤاد السيد وفا
عضو اتحاد كتاب مصر
4/3/2017
ليست هناك تعليقات:
إرسال تعليق