2015/11/20

من الاخر ... باحبك موت === بقلم /// ‏فهمى_على

من الاخر ... باحبك موت
يا عشق ف قلبى كان مكبوت
يا حلم زمان و انا صغير
و قصة عمرها ما تموت
باحبك بنت بضفاير ...
و شابة ... جسمها فاير
و نبض ف قلبى كان حاير
و نسمة شوق ليلاتى تفوت
باحبك اد ما عيونك
بتعشق فى الورود لونها
و اد ما روحك العاشقة
بتحضن روحى بجنونها
و اد الشمس على سحرك
ما تيجى تتطل بعيونها
و منه تنور الملكوت
باحبك اد ما سنينى
بعيد عنك كانت مرة
و اد البسمة فى شفايفك
ما هزت قلبى 100 مرة
و اد ما كاس بدون خمرة
يدوق ريقك يتوه ف سكوت
باحبك اد ما حبك
بيلمس روحى يحيينى
و يخلق ضحكتى فيا
و من شهدك بيروينى
يا كل الكون فى تكوينى
من الاخر ... باحبك موت ‫#‏فهمى_على‬
مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)

إعلانات