نص غنائي
غزانه الشيب يمدلل ،،،،غزانه
الفرح من يوم مارحتو نسانه
غزانه وبيّض الراس
وحرّك بينه الأحساس
الحزن من يوم مارحتو لفانه
------ ------ -------
غزانه الشيب وأنسينه الليالي
وعندي مابقت صورة بخيالي
نسهر ويه الهموم
بدمع غرگنه الهدوم
وسفه اعله الوكت ماصاحبانه
----- ----- -----
سايرنه الوكت من شيّبانه
بعدنه زغار من هو لفانه
غيّر كلشي بالروح
وزوّد بينه ال جروح
على الونّات صاير بس غنانه
------ ----- -------
كبرنه يازمن ،،،،والروح ترفه
وبحضن الولف يوميه تغفه
نفسنه خضره للدوم
ومتغيرنه فد يوم
ماهمنه العمر من كبّرانه
غزانه الشيب يمدلل غزانه
ابو رؤى قاسم الدوسري
ليست هناك تعليقات:
إرسال تعليق