قارئ الكف
----"-----"----
في الكف كل شئ بيبان
ونخالف المستخبي يبان
بكا وحرمان
شقاوة زمان
يبان الشوق والإختيار
أخترت الشوق ولا هو أختارك
فعلا جايلك ولا محتاجلك
خصام ونواح عليل فضاح
ف الكف كله يبان
هل ممكن فعلا تسمحلي ؟
تقعد فى مكاني وتفتحلي
أنا عاوز أيه؟
أو يعني تقوللي أنا جتلك ليه؟
أول إفيه
والمضحك فيه
إنك موجوع علي ناس خاينين
وبتمسك فى اللي سابوك
والعكس تسيب لو كانوا ماسكين
لكن المضمون واضح فيه
وبيعرض أكتر فى مشاكلك
الخط الاول من كفك فيه السن
وبيظهر واحد مش شكلك
الخط التاني بعيد عنه لكن
أنت ياواد دايما على طول بتحن
قررت تكون واحد غيرك
الخط التالت مربوط بخط سيرك
مرسوم ف طريقك ألف طريق
الخط الرابع كله مخيف
ده لانك مش عارف تنسي
والنسيان شابك ايده على كتفك
وشاغل كل تفكيرك
والشاهد فعلا باين فى سريرك
والقهوه هتشهد لو تنطق
نسبة سجيرك ونيكوتينك
بيزيد فى مجري الدم
الحل الأمثل لعلاجك بلاش تهتم
وأهملك إهماله و لو لحظه
والخط الخامس مش واضح
بس فيه حنين وشجن سارح
والسادس مكتوب فيه ملاحظه
والخط السابع شايفه وحيد
وقلبك فيه حب فريد
ومخاصم فعلاً للتامن
ومادد لسه كف الأيد
والتاسع منتظر الدنيا تصالحه
والعاشر مش عارف ليه شرحه
ده لانك مخلوط بسذاجه
وبتعامل الكل من القلب
خلاك في كلام الحب مدب
من أول نظرة بتحن
من أول كلمة حب بطب
أصحى وفوق
وبلاش الشوق
فى الكف كله بيبان
تخاريف صيام
بقلم . ياسر عياد
ليست هناك تعليقات:
إرسال تعليق