رمشي وجع
ياما طرقت الباب برموشي وجع
اسأل عن الاحباب بالدرفة خلع
اسمع صدى نهدات بحات البكي
تدمع على العتبات آخات الحكي
ببو حنين الشوق عالدرجة ركع
صبيّت دمعي صرت بابك اتكي
عصف النهيد يشد لديارك دفع
وعيون متل الطير حيرة ملبكة
شو بعيد عني النور بلحاظي لمع
غبار الصور عالحيط سر محيكة
ذكرى بروح الطيف قدامي سطع
احكي مالاقي جواب منك انتكي
يامهاجرة العنوان لما بدونك نفع
سألت الورد والزهر والعطر الزكي
ونسمة ربيع غصون برعمها فقع
والغيم صار سكوت بسوادو صكي
مراية شجر عصفور عالورقة طبع
خمران فيي المر الل رياقي شكي
خٓل الحلا مهدور عالشفة نبع
تا يعود ليي الدر بالهجر سفكي
كرم الحلا عنقود بخمرتك موعود
يسكب حلاك جود ال عنو امتنع
رامز عيد
28/04/2017
فائق احترامي و وافر تقديري لمجلة غذاء الروح والفكر وفرسان الشعر على نشر شعري المتواضع في صرحها الالق و اخص بالشكر و التقدير الاستاذة المميزة شموخ الورد
ردحذف