حبيبى ياحبيبى
------------------
ليه دمعه دايما
شايفها بعيونك
وكلمه حزينه
بأسمعها بسكونك
دا دموعك ياغالى
بتسهرنى الليالى
وأسال نفسى عشانك
وأقول إيه جرى لك
أرجع تانى وأقول لك
فداك قلبى إللى حبك
ولا دمعه تنزل
من عيونك ياغالى
وليه صوتك حزين
مين زعلك قل لى مين
مافى حد يسوى
دمعه من قلبك حنين
أسمعنى ح أقولك
أنا طول عمرى جنبك
أفديك أنت بروحى
ولا أشوفك يوم حزين
ماتحتارش فى قرارك
ولا تندمش فى إختيارك
سعادتك وفرحك
لو بعمرى أشتريها لك
لو عمرى سابقك
وحبيب تانى واخدك
أعرف أنت ياعمرى
سعادتى أنا لفرحك
أشوفك فى دنيا جديدة
واخداك بفرحة أكيده
قلبك مليان محبه
وعيونك بضحكة سعيدة
علشان أنت حبيبى ياحبيبى
بقلمى / أسامه على -السعودية
ليست هناك تعليقات:
إرسال تعليق