مازال الدم مستمر والاستعمار باقي طول ما العرب مش متوحد ومهما اتكلم واقول عمره ما هيشيل الحزن اللي جوايا علي أشقائنا في الوحده العربيه فلسطين والقدس الاسير لزلك كاتب قصيده بعنوان(أرضي بتروح مني)
يأمة الاسلام
يامسلمين
ياوحدة الاوطان يامتوحدين
بصرخ بأعلي صوت
وبقول أنتو فين
أرضي بتروح مني
وأنتم كده ساكتين
من زمن الزمن
والقدس بيعاني
مين اللي كان السبب
وبقول أه ياني
عايش في بلدي غريب
ولا لاقي حتي حبيب
لو كان ليا سند
مكنش بقي حالي
يافلسطين يابلد
العزه والكرامه
وأولي القبلتين
وشعاع المناره
وخساره علينا
والف خساره
بقينا مطمع
للناس الحساله
وبرجع أيام زمان
بفتكر كل اللي كان
شهداء راحو
قدام عيني
والسبب أنسان
عدو خسيس بيتحكم
وانا حزين وبتألم
رافع في وشي السلاح
وفي العيشه مش مرتاح
خايف اطلع صوت
اوحتي أتكلم
مالو العرب
مش سائل
وانا مش متفائل
هيفضل حقي متاكل
وطول عمرنا
في مشاكل
وحدتنا خلاص أتفكت
والشعوب حالها أتشتت
والغريب عمال يتنطط
وده بقي حالي
نداء للكل العرب
اوعو تبيعو الوطن
والحلم لازم نكمله
والله ده انا خايف
ليكون الحلم
سابني وهرب
يبقي العوض علينا
ولاحد هيسأل فينا
والكل عمال بيلطش
ومين هيحس بينا
لكل الأمه العربيه
ما تبعوش القضيه
وحقنا في رقابيكم
شيلو عني شويه
وبنده وباعلي صوت
القدس عربيه
حتي لو فيها موت
عشانك اضحي بنفسي
وأديها روحي هديه
ليست هناك تعليقات:
إرسال تعليق