* صباح الخـير يا بــلادي
يــا أم الدنيــــا بنده لك
وبعشق ف الكرم أهلك
ومن شوقي بقول أشعار
يا ست الحسن مشتاق لك
*صباح الخــير يا بـــلادي
يـا جــنة ربنــــا ف الأرض
يا ساكنة ف العروق والنبض
يا شمـــس منورة عمـــري
ده حبك جوه قلبي فــــرض
*صباح الخــير يا بـــلادي
أنا ابنك مالــيش غـيرك
ولحم كتافي من خيـرك
أنــا صوتك ف كل ميدان
وانا ف العتـمه قنديـلك
*صباح الخــير يا بـــلادي
يا نبع النور يا سكناني
يا شغلاني وسحرانـي
يا بحر حنان وشط أمان
يا مالكة روحي وكياني
*صباح الخــير يا بـــلادي
يا نغم صافي بيشجيني
يا عايشه جوه تكويني
يا شجرة خير وضلاية
ونيل من شهده يرويني
*صباح الخــير يا بـــلادي
صباح بالمسك متعطر
صباح بالحب متسطر
يا داري وأهلى وولادي
بحــبك كل يــوم أكتـــر
*صباح الخــير يا بــلادي
صباح الـــورد لعيونك
و لوني من سمار لونك
تعيشي يا حبيبة الروح
عزيــزة وربنا يصــونــك
ليست هناك تعليقات:
إرسال تعليق