****** أشكى لمين *******بقلـــــم: عـــــادل الشــــــهــابى

****** أشكى لمين *******
أشكى لمين منك أشكى لمين ....
والنص حاسدك والباقى لايمين ...
فيه الله عاوزك سعيد وغيره عاوزك حزين ...
وفيه اللى مش عاوز وفاق بين قلبين ......
أشكى لمين وأنا كلى شوق وحنين ...
وفى قلبى داريتك من الحاسدين ..
وصورتك خليتها كحل للعين ...
وحبك أكيد للموعودين ...
قولى حبيبى بس أنا أشكى لمين ...
من حسنك من دلعك من عشق السنين ..
من قلب فى بعدك بقى كله أنين ...
من فكر فيك خلانى من الحيرنين ...
أشكى لمين وأنا ليكى من العاشقين ...
لا خلاص مش هشكى ولا أعيد ...
يا حب صافى قريب مش بعيد ...
يا قلب كان فيه بينى وبينه مواعيد ...
يا عشق جوه القلب يوم عن يوم بيزيد ..
تهجرى لا حبيبتى مش طبعك ...
حتى أسألى قلبك عمره فى يوم ما يطاوعك ..
وفى الهجر هيكسر كل أموامرك ...
يالى الوفا هو عنوانك ...
والحب والعشق أتخلق علشانك ..
وفى القلب أكيد حبيبتى مكانك ...
يسلم كل اللى رعاكى وصانك ...
تسلم الأيد اللى ربت وتعبت علشانك ..
يبقى أشكى لمين وليه ...
والقلب عمرك ما أسيتى عليه ...
وأنتى حبيبتى كل أمانيه ...
يبقى أشكى لمين وليه ....
بقلـــــم: عـــــادل الشــــــهــابى