****** قلبــــــــــى ******بقلـــــم: عـــــادل الشـــــــهـــابى

****** قلبــــــــــى ******
قلبى يالى كلك شوق وحنين ....
قولى سايبنى بس وعلى فين ...
ومين أخدك منى مين ...
هترجع ولا هتكمل فى سكة العاشقين ......
وهتكون سعيد ولا من المجروحين ...
أيامك هتبقى فرح ولا شجن وأنين ...
قولى جاوبنى رايح على فين ...
قلبى روح وأمشى فى سكتك ...
خايف تتوه يا قلبى فى غربتك ...
بحلفك بحبى ليك ومعزتك ...
بتمناكلك الخير يا قلبى فى رحلتك ...
قلبى بتحبها أكيد أنا عارف ....
مراقبك ومن زمان أنا شايف ....
بس ليه يا قلبى حسك كده خايف ...
شايف الحب فى عنيك مش لازم تقولها الشفايف ..
يا قلبى عارف وحافظك وللى جواك كمان كاشف ..
تعالى هنا جنبى يا قلبى وحاكينى ...
بلاش يكون فيه أسرار بينك وبينى ...
أتكلم وقول على اللى يريحك ويرضينى ....
طمنى علشان الفرحه اشوفها فى عينى ...
قلبى سكتك مفروشه بالورود ...
شايف أزهار العود جنب العود ...
كمل سكتك وبلاش منها تعود ...
وكون صادق يا قلبى فى الوعود ...
قلبى يالى كلك شوق وحنيه ....
يخليك لحبايبك وكمان ليا ...
بقلـــــم: عـــــادل الشـــــــهـــابى