الرساله المفقودة
هي عباره عن تسلسل فكري
للعرب
من إحساسي الشخصي
ممزوجه بالعاميه والفصحي
وأتأسف علي أي خطء لغوي
••••••••••••
الشطر الأول
بعث الأمين برساله
تضوي لها النفس
ينشر بها الأخلاق
يمنع بها الرجس
هبت عواصف حوله ... من أهل طغيان
فالنصر من ربه ... لا يعرف اليأس
••••••••••••••
الشطر الثاني
علت رايات الحق
في البلدان
برساله تعني الحق
كرم بها الأنسان
فتح الكريم بابه ... للتوبه م العصيان
حرم علي عبده ... الظلم والطغيان
••••••••••••••
الشطر الثالث
بيقولو دوله عرب
وإن العروبه تموت
والله يادي العجب
للكلب أصبح صوت
حوالينا واتكترو .... عايزين يزلونا
نسيو تاريخهم الأسود .... وعقاب من الملكوت
••••••••••••••
الشطر الرابع
مالنا كدا نيام
عايشين في سابع نومه
للغدر أصبح قومه
ورضينا بالاحلام
ونسينا عزتنا ... وحق أمتنا
مضحوك علينا يا خلق
بأتفاقيه سلام
موجوعه أهالينا... من غدر أعدينا
هو احنا ليه نسينا .... رساله الاسلام
••••••••••••••••
الأجتماع
المكان
مصر
••••••••••••••••
أه يا أم العروبه
فيكي الأمان يا مصر
للأمه انتي كيان
ودليل رايات النصر
حصن يهب الأمان
فيكي اللقاء للعرب ... معشوقه انتي العرب
قدرً عليكي إنكتب ... صبوره علي الأحزان
••••••••••••••••
الشكوي الأولي
فلسطين
••••••••••••••••
الشكوه معروفه
وحالك يقطع قلب
و وشوشنا مألوفه
وسكوتنا أصبح ذنب
يا ساكنه في القلوب
أسمك
وحفطك وحده رب الكون
ولا تبكي علي أسفك
علي قلوب راضيه
إن تخون
يا أرضي وعرضي
يا طيني
فلسطيني
هيبقي مهما كان ويكون
يهون العمر يا أقصي
ولاعمرك يا غالي تهون
دا ساكن في القلوب
اسمك
وحفظك وحده رب الكون
بنحلم بالصلا فيك
وتتحرر من غلال
صهيون
وحاسين بالجراح
تأذيك
بإيد كافر أكيد
ملعون
هيجي يوم وتتحرر
وصوتك يبقي
مش مسجون
مادام قادر خلاص
تصبر
هتفرج يوم
ورب الكون
•••••••••••••••
الشكوي الثانيه
سوريا
•••••••••••••••
يالا دموع دمشق
فالجرح بات كبير
أين القلوب دمشق
أين تجدي الضمير
فالحر فيكي ينوح ... علي هذا المصير
يصرخ لربه يبوح ... وحدك لك المصير
وأه يا سوريا أوجاعك
بتوجع فيا تئذيني
دا فيه غدار أكيد باعك
وحالك دا مايرضيني
وربك وحده عالغدار ... هيتحاسب أكيد في النار
ورساله النبي المختار ... هتحميكي وتحميني
•••••••••••••••••
الشكوه الثالثه
العراق
•••••••••••••••••
وليكي العزه يا بغداد
وكل عراقي بيحبك
عراقي فخر للامجاد
وقلبي العربي علي قلبك
مجرد محنه وتزول ... دا عمر الظلم ما يطول
فراتك راح يفيض علي طول
ونفدي روحنا ولخطرك
ولا تزعلي
كل العرب اخوه
والله اكيد أخوه
وان يوم يكون اتحادنا
العدو راح يخفه
•••••••••••••••••••
الشكوي الرابعه
اليمن
•••••••••••••••••••
اه وألف أه
علي حصل فيكي
من إيد خاين خسيس
بيضحي ليه بيكي
يمني وأرض جدودي ... بالعزه أروي حدودي
لو لجل فرحك موتي ... والله لفديكي
يمن وأصل العرب
أصل العرب عدن
والطيبه نبع في حلب
والله تعيشي يا يمن
••••••••••••••••••
مصر
•••••••••••••••••
بلد الأصيل غاليه
وبروحنا نحميها
وعشان تعيشي عليا
والله نفديها
حضن العرب أنتي ... والخير مكفيها
لوحتي موجوعه ... الدمع تداريها
مصر دي هي العرب
ونحب فيها نعيش
لو يوم تغيب يا عرب
عزتنا تاني مفيش
العين عليها كتير
وأيادي تإذيها
والله ربي كبير
هو اللي يحميها
الاتحاد يا عرب
هو اللي يحمينا
من إيد خاسيس يا عرب
ربك ينجينا
••••••••••
أحمد طلبه
٢٠١٧/٧/١٩
ليست هناك تعليقات:
إرسال تعليق