لو تعبانه بجد ها شيلك : وليد الوصيف

‏‏وليد الوصيف‏ مع ‏ممدوح فريد‏ و‏‏44‏ آخرين‏‏.

‏24 يناير‏، الساعة ‏05:01 ص‏

إهداء إلى كل زوجه نكدية
لو تعبانه بجد ها شيلك : وليد الوصيف
-------------------------
...

أيوه أنا كده طبعاً مرتاح
ملعون أي كلام فيه نواح
روحي لحالك إمشي سبيني
من غير مسا ولا حتى صباح
هي الدنيا بحالها ساعات
لازم أعيشها تمام وارتاح
إنتي حياتك هم في هم
وأنا مش ناوي أعيش في جراح
لا تُفكيها وتعيشي معايا
وتفصلي كيفك بهوايا
لإما شوفيلك قلب حنين
عندك كل الدنيا براح
أنا مش غاوي أدادي واطبطب
مره أتنين بعديها أنا بتعب
أصل أنا حر وها فضل حر
زي الطير دايماً سواح
وإنتي عبيطه وكرها حياتك
عجبك نغمة صوت أناتك
أكتر حاجه بتتعب ودنك
زغروطه جايه من الأفراح
إنتي سعيده فرحانه بهمك
وأنا يا حبيبتي لا أبوكي ولا امك
دا أنا غلبان تعبان في المَهر
لجل في حضنك أنام وأرتاح
أصل أنا شايف تعبك عاده
مش محتاج لطبيب وعياده
بس كفايه خلاص بزياده
معاكي في عمري ما شفت نجاح
واضح تعبك غنج في غنج
وأنا مش شاب يا روحي خرونج
لو تعبانه بجد ها شيلك
عمري بحاله وأعيش مرتاح
أنا ولا قاسي ولا مغرور
ولا من طبعي أعيش الدور
لكن نفسي حياتي تكون
عشق وفرح وبرضو فلاح
19-1-2016
‫#‏وليد_الوصيف‬