انا ندمااااان للشاعر /// ‏ضياء_الادريسي

انا ندمااااان
وبستغفر
وبسأل ربنا يغفر
ذنوب
العبد العاصي...
وبشكر ربنا
اني
عاملت الناس بإخلاصي

ولا ناكر لحد جميل
ولا عمري نقدت جميل
ولا عمري قبلت بديل
لديني لأهلي أوطاني
انا اللى ابويا وصاني
وقاللي يا بني اوطانك
انا يا مصر خدامك
وسامع ليكي ومطاوع
وامرك ماشي فوق راسي
انا يا مصر مش ناسي
جميلك
لما قولتيلي
انا مصر الأمان والجود
انا يا مصر المفروض
ابوس ارضك
اصون عرضك
واهديكي
وتهديني
صراط الحق يا بلدي
طريق الصح والراحه
صراحه
يا بلدي احلامي
اشوفك ام للدنيا
كنوز الارض فى ترابك
امان الخلق فى رحابك
بحبك حب
مش عادي

يا تاجي وفخري يا بلادي
انا فداكي
واولادي

بصوم الشهر بين ناسك
بصلي الفجر فى الأزهر
وبعشق شمسك الدافيه
ومش اخواني او عسكر

‫#‏ااانا_مصري‬
واخ لكل أولادك‫#‏ضياء_الادريسي‬