ممكن سؤال؟
هو اللى كان فى اوله حلم اتوجع ،
ونهايته كام فدان بتسقيهم دموع .
كان له احتمال الا الضياع
وسط البشر
اللى ساعات يبقوا ملايكة
وساعات يكونوا نار بتحدفنا بشرر
ممكن سؤال؟
هو انصهارنا وسط خوفنا وضعفنا
كات غلطة بدأت مننا؟
مش ذنب قلبى انه طفل
عمره ما عاند الظروف
ولا قال بان الحلم خوف
وفضوله ياما عذبه
وحرق الكفوف
مش ذنبه ان الورد شوكه ساعات بيطغى ع العطور
ساعات يورينا جبال الضلمة
ساكنة جوا نور
ولا ذنبه بالونته تطير
علشان بتعشق زرقة تايهة ف السما
ونهاية مجهولة المصير
ممكن سؤال؟
ممكن اجابة للسؤال
غير
احتمال؟؟
هو اللى كان فى اوله حلم اتوجع ،
ونهايته كام فدان بتسقيهم دموع .
كان له احتمال الا الضياع
وسط البشر
اللى ساعات يبقوا ملايكة
وساعات يكونوا نار بتحدفنا بشرر
ممكن سؤال؟
هو انصهارنا وسط خوفنا وضعفنا
كات غلطة بدأت مننا؟
مش ذنب قلبى انه طفل
عمره ما عاند الظروف
ولا قال بان الحلم خوف
وفضوله ياما عذبه
وحرق الكفوف
مش ذنبه ان الورد شوكه ساعات بيطغى ع العطور
ساعات يورينا جبال الضلمة
ساكنة جوا نور
ولا ذنبه بالونته تطير
علشان بتعشق زرقة تايهة ف السما
ونهاية مجهولة المصير
ممكن سؤال؟
ممكن اجابة للسؤال
غير
احتمال؟؟
ليست هناك تعليقات:
إرسال تعليق