آسفه!
*****
*****
آسفه مُش حابقى ليك
آسفه وحياة عنيك!!
آسفه مُش حاقدر انسى
سهم الخيانه أقسى
من رحمة قلبى بيك!!
بندم على كل همسه
بندم من أى لمسه
بندم لو فيا لسه
ذكرى بتنده عليك!!
إنسى اللى كان بينا
غلطه وبدفع تمنها
عمرى وجرحى الأكيد!!
ضعفى بقه لوم وقوه
قلبى إعصار ونوه
جارف إحساسى بيك!!
معدش يفيد الكلام
بعادى أبلغ بيان
ليله من بعد ليله
يدوسك غول الملام!!
إجمع واضرب وإطرح
قلبى حساباته أصحح
تبعد وف كل مطرح
تبكى دمعة عنيك
آسفه!!!!
****
غنائية عامية من كلمات
عزت عبد العزيز حجازي
30/12/2015
(حقوق التأليف والنشر محفوظة)
عزت عبد العزيز حجازي
30/12/2015
(حقوق التأليف والنشر محفوظة)
ليست هناك تعليقات:
إرسال تعليق