حجر كبير _كذاب_
إذا تراجعت بالوعد قلي
لا تعيشني الكذب .......قصيرة فيه كل الحبال
عاقلبي راح تصلي
مهما طالت الدرب ..........صدقتك قلت رجال
# #
ماأسهل الوعد علّي .....عالكذب لسانو انفطم
بيلعب بالمشاعر يلي ....عشقتو حقيقة ووهم
بيقطف سعادتو غلة .....وبرمي خيباتو سهم
# # #
سهمك الوصل ......للروح مقتل
صعبة انسى ....... ثقة عطيت
لحظة مابطل .......يذكرني بأمل
صار أقسى .........حلم ربيت
سهك صاب
لكن خاب
أكبر نعمة ........خسارة كذاب
# # #
ندمانة ومو ندمانة
معذورة كنت هيمانة
مابعلمي في انسان ........بيعطي النفاق دروس
بدو فلوس
وبلحظة عروس
صار الغول ................ وعالإحساس يدوس
وكذاب وسهمك صاب
لكن خاب ..اكبر نعمة ..خسارة كذاب
# # #
وعيت عا كابوس ........بحلقي عالق موس
ممنون وبدي بوس ......حظ الخلاك تطير
طلعت زغير
رميت بالبير
يلي رواك .......حجر كبير
وكذاب سهمك صاب
......
.....
#نرجس_عمران
سورية
ليست هناك تعليقات:
إرسال تعليق