جرالك إيه.عزت عبد العزيز حجازي

جرالِك ايه؟!
*********
مضَيعيش وقتِك ووقتي

قوليها صادقه
قوليها وقتي
عايزاني واللا اشيل حمولتي
واتوه وسط سطور حكايتي؟!
جرالك إيه يا نجوم مسيرتي
نزلت ليه فرطْ في مدينتي؟!
إنتِ الي باقيه م العشق إنتي؟!
واللا انتِ توهه في تِرحال سفينتي؟!
ما تحيريش أمرك وأمري
ما تبدليش حلوك بمُري
حقِك تعيدي في أي حسابات
حقِك تعيشي ع الذكريات
حقك تهوني واعدم وسيلتي
جرالك ايه يا نجوم مسيرتي؟!!!!
****
غنائية بالعامية المصرية
من كلمات
عزت عبد العزيز حجازي
25/12/2015
(حقوق التأليف والنشر محفوظة)