يا بحر الحزن مالك ومالى
ليه موجك عليا عالى
تقهرنى ليه وتشغل بالى
المكتوب مكتوب
ومفيش منه هروب
وانا راضى كده بحالى
ربى الكريم موجود
قادر يزيح همى
بين لحظة والتانية
وف اقل من الثانية
تتبدل الأحوال
وانا ليه اعيش باليأس
وافكّر دايما فى الأمس
دى دنيا مالهاش امان
كلنا غرباء فيها
بس الشاطر فينا
ان تاه يوم
لازم يحفظ العنوان
لا وداع ولا رحيل
الضحكة موجودة
والابتسامة كمان
خللى تُكالك ع الرحمن
ليه تخليها ضلام
وتقول عيشة والسلام
ليه تخلينى دايما اقول
انّا فاعل والّا مفعول
بلاش يا صاحبى
تفضل بيها مشغول
بيجى بعد الليل نهار
لا تفكّر ولا تحتار
ما عاشت ولا بقيت دنيا
دى دنيا فى الاصل مزار
ابعد عنك هم الأفكار
بيجي بعد الليل نهار
خللى تُكالك ع الرحمن ..!!
ليست هناك تعليقات:
إرسال تعليق