(( علال )) بقلم فؤاد الكاتب
نسيتني يا الزهر
خليتني داوي خاوي
واللي داق من لغدر
اش يقول باش يعبر
ملي شفتي قرعة الماء
عنداك تضن الزهر تما
شمر على لكفوف
عول على لكناف
خليك من شوف العين
بالقيل و القال
السمع يصمك الودنين
و سرجوني على عودي
نمشي نزور و نجيب لبخور
ملي الموسم تحول
شوف العام واش كمل
غير حصدوا يا الحصادا
قبل ما يقولوا الهرادا
قلال الزرع و تقادا
فالوا علال فوق العود
شوفوا علال مزينو ولد
الجمال و الخيل و التبوريدة
حتى قاسوه بالعين
طاح من فوق العود
علال تشلل و عضمو جمد
عاش حياتو ممرمد
يد تلوح او يد تشد
الصحة الى مشات
بلا ما تحكي و تعاود
علال و الزهر مات
القصة شحال تعودات
و الموسم راني ما نخطيه
من عام لعام نمشي ليه
الى تحول نسول فيه
نركب الخيل نوصل عليه ...../....
ليست هناك تعليقات:
إرسال تعليق