((( فيكي الخطايا كتار ))) الشاعر السوري المهجري --- اليان سمعان ---

((( فيكي الخطايا كتار )))

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

لاكنت بكنيسة وريحتي بخور 

{}{}{}==-- ولا مرقت عاجامع والشيخ عطرني

خدودك ورد مريت عاحقلة زهور 

{}{}{}==-- برعم غبارو طلع بالعشق غبرني

شعرك ذهب مربوط والقلب عالتنور 

{}{}{}==-- خبزك غذا للروح ليش حيرني

لو تعملي قرابين بيوقفو بالدور 

{}{}{}==-- شهوة عشق سكران بالقلب كفرني

عملو خطايا كتير عيونها هالحور 

{}{}{}==-- حرف الغزل فيكي للصبح سهرني

وعم تسالي سكران وريحتي مخمور 

{}{}{}==-- ماشربت كاسة خمر هالرمش سكرني

فيكي الخطايا كتار والذنب مغفور 

{}{}{}==-- فيكي الغزل مسموح والرب سايرني

من وجبة شفافك لوتبعتيلي فطور 

{}{}{}==-- خلي الخطا يكتر بالعشق يغمرني

ياحلوتي الليلة راح نيم الناطور 

{}{}{} ==-- ونشرد عاهاك جبال هالحلم خبرني 

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

الشاعر السوري المهجري --- اليان سمعان ---