عايز اسمع.. للشاعر اسامة فؤاد

عايزاسمع 
كلمات اسامة فؤاد حنا
قولى باحبك على المكشوف
ده مفيش بينا خجل وكسوف
عايز اسمع منك كلمة وبس
وبلاش يا حبيبى لغة الهمس

قولى باحبك وبصوت عالى
ده انت حبى وعمرى الغالى
يا اغلى من الروح والنفس
من غيرك الجنه كانها حبس

انتظرتك وانتظارى طال
يا احلى غنوة واجمل موال
امتى حبيبى راح بيه تحس
وترجعلى وف عينيه تبص

الدنيا كلها مش سيعانى
لما اسمع احبك بودانى
انتى منايا بكره وامس
وانت ليه الهوا والشمس

ولما اشوفك اجرى عليك
وارمى نفسى بين ايديك
ولما اقول سمع هس
كل الناس تقف تترص

مش طالبة  لحن وغنوة
محتاجة منك كلمة حلوة
قول لى حبيبى بحبك بس
وانت كمان حبيبى ونص