لازم أغير.. للشاعر خالد أمين

لازم أغير

ياحبيبتى كلك تأثير
أسفا أن كنت بغير
ازاى اسكت عن وصفك
داجمالك فاق التعبير
انا دايما اسرح ف عنيكى
وارتاح لما اسكن ف اديكى
وبكون ف حضره معاليكى
انسان مسلوب التفكير
أوصف لك حسنك وجمالك
ووردة طارحه بفستانك
وعقد اللولى ف ودانك
شيئ مش محتاج تفسير
دى النسمه تعدى على شعرك
تلضم مشاعرى ومشاعرك
بسكت دايما اسمع لك
وقلبى م الفرحه يطير
يا ليلى انا قيس مجنونك
اعشق فسكونك وجنونك
نفسى اكسر مرة حصونك
وأصبح جواكى أسير
حسى مرة باحساسى
الحب دا امر اساسى
ياما كتبت ف كراسى
اشعار بمعانى كتير
ولا قلبك حس بالنار
ولا اثر فيه ألاشعار
وبلاحظ فيه اصرار
يرفض اى تغيير
فـــــــــــــــــــــــــــا
عزرا أنا لازم أغير