لقاء السحاب بقلم / الشاعر محمد عليش متولي

بالعاميه المصريه ..
.مسرحيه من فصل واحد ..
.. الأداء الثنائى .. ( الدويتو ) ..

....... ( لقاء السحـــــــــاب .. )...
.
قال :-

من أد إيه كنا كدا .. ؟

قالت :-

سنين كتير .. خمسين سنه .

قال :-

وقت إنقضى وإحنا سوا

عدّى هوى من عمرنا

بقى ماضى عادى ليومنا دا

قالت :-

عمر إنقضى كما أسبوعين

لأ .. قول يومين

لأ .. دول دقايق معدودين ..

عَدُّوا علينا من هِنا

وفاتونا عايشين للحنين

قال :-

كنا روحين ساكنين جسد ..

كما عصفورين بنت وولد

كنا كدا على أرضنا طايرين سوا

فوق فى الفضا بكفوف قلوبنا مشبكين

بتدق فى سعاده ورضا .

قالت :-

كنا ف سعاده وف هَنَا

أحلامنا أكبر مننا ..

وأمالنا كما عدد الساعات ..

عدد الليالى والسنين .. .

قال :-

من أد إيه يامؤمنه ..

قدرنا مِتْسَطّرلِنا ..؟

قالت :-

م يوم ما ربنا قالنا : -

( كونوا بشر ) ..

وخلقلنا ..

الكون دا كله ..

لأجلنا .

وبقينا خُلفاءه هِنا..

فالحمد لله ربنا ..

والشكر لله حسبنا .
.............................

.. لقاء السحاب ..
كلمات / محمد عليش متولي
من الاداء الثنائى ( دويتو ).