((مركب ورق))
كتبت حروفى على الورق
ورسمت فيه احلام
وعملته مركب ورق
فى بحر الايام
نص الكلام غرق
والباقى كان اوهام
ارجع اكتب تانى
والا اصحى وارجع انام
داالحلم فيه اتخنق
اشكى لمين ده حرام
اخدواالاصيل يتشنق
وسابوالنا الاجرام
دلوقتى ايه اللى فرق
فى العيشه والاعدام
حتى الامان اتسرق
كان حلمى برج حمام
اطير معاه فى السما
واعلى لفوق انما
لقتنى لسه هنا
مهموم ولسه بفوق
تعبوالى قلبى كلام
وقالوا لى بكرة تروق
ّّ.............
بقلم ..الشاعر
..محمود فرج
ليست هناك تعليقات:
إرسال تعليق