من شاعر الحب ----- هديتي لكم بعيد الحب
....................................................
--==00()() هيك العيد بيكون ()()00==--
....................................................
الحب مالو عيد ليش لاتقيمو
---===000 العشاق عندن الف فرحة وعيد
تعالو للناس الوفا نعيد تعليمو
---===000 ودستور نكتب الو لازمو تجديد
وبيت للاخلاص نعيد ترميمو
---===000 نور المحبة انطفى نتفقد التمديد
عاشق بقلبو صدق ربنا يديمو
---===000 يعرف شو بدو ويعمل مواعيد
عاشق بهالايام مافينك تليمو
---===000 كلو حرف هاتف والكذب بيزيد
تعي ياحلوتي للحب نفك تحريمو
---===000 ونلتقي وشوفك مايتم عنا بعيد
واحكي وتحكي وعهدنا نقيمو
---===000 عالبعد ياحلوتي الحكي شو بيفيد
نلتقي وكلمين يشرح مفاهيمو
---===000 وطفي بضمة عشق حرقة التنهيد
ونرجع بهالعيد نعيد تكريمو
---===000 ونبدا سوى ونكتب عهدنا جديد
وبيك يبارك خطوبة ربنا يديمو
---===000 ونجمع اهل وحباب وبالعزومة نزيد
هيك العشق بيصير نبدا بتصميمو
---===000 ونبني لبيت السعد ونثبت عواميد
قلبي بمدرسة العشق خلصت تعليمو
---===000 راح ابعتو هدية لعيونك بهالعيد
.......................................................
كل العاشقين
كل المتزوجين
كل الاحبة المحتفلين
كل عام والحب يسعد قلوبكم
كل عام والجميع بالف الف خير
12 ----2 -------- 2017 ------
الشاعر السوري المهجري ... اليان سمعان -------
ليست هناك تعليقات:
إرسال تعليق