....مصريه قويه....
☆☆☆☆☆☆☆☆☆☆☆
أكيد هى وكلي شموخ
مصريه قويه منين مابروح
وبشيل الهم وكلي طموح
بضحك وشذايا يرد الروح
أنا الشقيانه الصامده
الجامده فى عز الريح
أنا الموجوعه من يومي
وكل منايا احلامي
تتحقق واروي قليبي
بالضحكه فى كل صباح
انا اللى الكل قال
دي ام الرجال
بسعى ورا الرزق
واجري وكلي أمال
وقول ربي أكيد عالم
وانا جوايا طولت البال
انا الشقيانه ...
اللى بتضحك وتتبسم
وتتكلم ماتتلجلج ..
وفيها ايه ماانا المصريه
بنت النيل .....
وياماشربت من نهرك
وجدي الهرم واخويا ...
حته من ضهرك ..
ولا فى يوم..
شدني قهرك
اخاف على الارض
اصون العرض
ووقت الفرض
أقوم اجري
أنا اللى بربي
رجال واعافر
وبستقوى ..
واكون حيطه
وقت الشده
انا الشقيانه..
اللى بتجري
لجل العيله ..
تتغلغل بشرياني
انا الشقيانه
اللي فى يوم
ماقالت أه من ضهري
انا الضمه ومعنى
اللمه لاولادي
انا الشجره
اللى جوا البيت
تضلل كل أحفادي
أنا المصريه
اللى دايما
تقول الحمد
وتتباهى بعمري
وكل أيامي
انا المصريه ...
ال الحب عنواني
ليست هناك تعليقات:
إرسال تعليق