... افرح يا قلبى ... ( عامية )
كلماتى : اشجان سليمان
-----------------------
خلاص فات الميعاد
سافر حبيبى وطال البعاد
ياعينى عليكِ يا دنيا المحبة
لما تبعدى كل الأحبة
أنا كنت بافرح
لما حد يجيب لى سيرته
ولما اشوف ضحكة عينيه
واللا صورته
وأقول لروحى
فاكرنى لسه
والّلا نسي
يا دنيا ليه بس الأسية
ليه تفرقى بينا ليه
اسهر ليالى انده عليه
وأقوله فينك من زمان
يرد فلبى صعبان عليه
يقول كلام والحق ليه
بلاش بُكى فات الأوان
وفى لحظة كده وبعد السكات
وطول حزنى والاهات
دق بابى ولقيت جواب
حبيبى راجع بعد الغياب.
سلم يا قلبى محلاً السلام
أوعاك ياقلبي تزيد الملام
بلاش ياقلبى كُتر الكلام
افرح بقى وأنسى الخصام
حلو الوصال من غير عتاب
رجع حبيبك وراح العذاب
افرح يا قلبى ...!!!
ليست هناك تعليقات:
إرسال تعليق