مــنك للـــه ،،،بقلم ا / عزه عيسى

مــنك للـــه
ياللي زرعت
في قلبي الآه
بتمنى تدوق
من ألمي وندمي
أكتر بكتير
م اللي أنا حساه

بتمــنى الحـــيرة
تــعذب فــيك
ودمـوع الحـسرة
تـملا عنــيك
على حب غالي
وهبـته لــيك
وحياتي اللي كانت
ملكـ إديــك
هو انت إيــه ؟!
وقلبك ده إيـه ؟!
الحب عندك سهل
ليه تضحي بــيه ؟!!
علشان غرورك وكبرياءك
أى حاجة وأى حد
تدوس علـــيه ؟!!
طب كنت ليه بتقول بحبك
م البداية
خليتني أحلم أعيش معاك
أجمل حكاية
دوقتني الويل والعذاب
لحد النهاية
كل الجراح من بعد جرحك
هتفرق إيه
بكرة يقابـلك
حــد زيـك
غدار أنـاني
ما يصونش عهدك
يجرح مشاعـرك
ويذل قلــبك
وساعتها النـدم
هيبكي عليك
مـــــنك للـــــه