ولــــيه أنده
على بكــره
وبكره نفسه مش سامع
ولــيه أحــلم
مدام الحلم متكتف
وف زماننا
مهوش نافــع
ولــيه أضــحك
مدام الضحك متكفن
سجين في القلب
مش طالــع
انا إنسان
بسيط .. غلبان
زاهد ف الدنيا
مش طامع
آسيت المر والحرمان
داريت الحزن بالكتمان
خلقت لنفسي
100 دافع
شربت الصبر بمراره
يا ما انكويت نا بناره
.. ورغم
ده كله .. مش جازع
يا مركب عمرى
يا مسافرة
ف ليل القهر
أمنّـــتك
ترسيني ف يوم
على بر
لو عندك
ما فيش مانــع
ليست هناك تعليقات:
إرسال تعليق