***تحية لولاد الحلال
تزهو يامصرىوتختال
دى جنود بلدك أبطال
ميعرفوش محال
سمى وكبر الله أكبر
فتحنا ومشطنا
جبل الحلال
تحية لولاد الحلال
عارف جه الفخر منين
النصر كان ثمين
دا فتح ولا أيه فتوح
زاد أبطالنا تشريف
ماشوفنا زيه فتوح
بعد خط بارليف
دا فتح والفتح مبين
تحية لولاد الحلال
تزهو يامصرى وتختال
جبل وكهوفه أسطورة
فكينا كل الشفرات
وحلينا اللوغريتمات
البغى عنيه مكسورة
وصلنا لكل الخيوط
وشوفنا دراعات أخطبوط
فى كل نفق مبتورة
ياداهية من كان موروط
تحية لولاد الحلال
تزهو يامصرى وتختال
انزل ياغاشم من وكرك
الساحة بقت مكشوفة
دي نسورنا حتصطادك
ولو زودت عنادك
أسودنا لدمك ملهوفة
ليه بتضيع وقتك
مفيش للهوادة مجال
تحية لولاد الحلال
تزهو يامصرى وتختال
دى جنود بلدك أبطال
بقلمى
محمد نايل
البحيرة/مصر
ليست هناك تعليقات:
إرسال تعليق