رد مقلب ٦٦ :::::::::::::: عزومه ما تمت --بقلم // فهد النحراوي

عوده للكوميديا
:::::::::رد مقلب ٦٦

:::::::::::::: 

عزومه ما تمت

وبيضحك على غير العاده
وانا طالع عادي ع السلم
ولا واخد ف بالي خيانه
طاب مسي  ياعم سلم

واناعازم الشله ع الماتش
وسوداني طازه والساقع
مع انا البرد وكام هتش
 وانا برضه ف الامر الواقع

واشغل واعلي الشاشا
والاشاره مش موجوده
والتكشيره ليه يا بشاشا
 موقف بايخ طاب مردوده

وبسرعه كلمت حماده
ساعه وحده اجيلك حاضر
ليله بيضه ومر زياده
ومجامله فالح  وشاطر

وانا جري طالع ع السطح
يمكن الاقي ليها حل
آه يا غلبي على كام ردح
جاري الهم  خلها خل

والسلك يا مري مقطوع
والطبق الوش احول
وسواده واضح منقوع
واصوت العقل  اهو ول

والشله نزلت زعلانه
وانا منها خلاص مكسوف
ويا ويله مني ابو لبانه
 ومقالبي سوادها هيشوف

بقلم فهد النحراوي

اعمل ايه امسكه ازي وهو بيقطع الدش
 امسكه ازاااااااااااااي آآآآه يا غلبي